華閱文章網1)落雨大
落雨大，水浸街，阿哥擔柴上街賣，阿嫂出街著花鞋，花鞋花襪花腰帶，珍珠蝴蝶兩邊排。
排排都有十二粒 粒粒都系解放牌。
2)排排坐
排排坐，吃果果，貓衣（小貓）擔凳比姑婆坐，坐爛個屎忽（屁股），唔好（不要）賴我，賴番隔離（旁邊）個二叔婆
3)捉大賊
點指兵兵，點指賊賊，點著誰人做大兵，點著誰人做大賊。
4)跳橡筋
**，十八歲，為國犧牲炸堡壘，炸到堡壘咯咯脆，全國人民流眼淚。
5)月光光
月光光，照地堂，年三晚，摘檳榔，檳榔香，摘紫姜，紫姜辣，買胡辣，
胡辣苦，買豬肚，豬肚肥，買牛皮，牛皮薄，買菱角，菱角尖，買馬鞭，
馬鞭長，買屋梁，屋梁高，買張刀，刀切菜，買籮蓋，籮蓋圓，買紙船，
船沉底，浸死嗰班番鬼仔！
6)點蟲蟲
點蟲蟲，蟲蟲飛，飛到荔枝基，荔枝熟，摘滿屋，屋滿紅，陪住個細蚊公（小孩）。
7)凼凼轉
凼凼轉，菊花圓，炒米餅，糯米團，阿媽叫我睇（看）龍船，我唔睇，睇雞仔，
雞仔大，摞（拿）去賣，賣得幾多錢？賣得三百六十五個仙。
8)猜呈沉
呈沉剪，呈沉包，呈沉糯米叉燒包。
老鼠唔食香口膠，要食豆沙包。
9)騎牛牛
騎牛牛，牛牛走，牛牛響（在）前咪（不要）回頭，若然回頭就打籮柚（屁股）。
10)掟磚頭
掟磚頭，斗大夠，一掟掟到西門口，濺起浪花拋浪頭。
11)劈友
劈友，劈友，快嘀（點）走，走得快，好世界，走得磨（慢），無鼻哥（鼻子）。
12)咕碌咕碌
咕碌咕碌一，咕碌咕碌二，咕碌咕碌三，準備開炮打敵人！
13)拍大骳（大腿）
拍大骳，唱山歌，人人話我無老婆，嘀起心肝（下決心）娶返個，有錢娶個嬌嬌女，
無錢娶個豆皮婆，豆皮婆，食飯食得多，屙（拉）屎屙兩籮，屙尿沖大海，屙屁打銅鑼。
14)曖姑乖
噯姑乖 ,噯姑乖 ,噯大阿姑乖要嫁后街.后街有 D乜野賣, 有 D鮮魚鮮肉賣
重有鮮花戴 ,戴唔哂,落床頭俾老鼠拉 ,拉去邊 ,拉去大新街.
15)雞公仔
雞公仔，尾彎彎，做人新抱甚艱難！早早起身都話晏，眼淚唔乾入下間，
下間有個冬瓜仔，問安人老爺煮定蒸，
安人又話煮，老爺又話蒸，蒸蒸煮煮唔中安人老爺意，
大把拉鹽又話淡，手甲挑鹽又話咸，三朝打爛三條夾木棍，四朝跪爛四條裙！
咁好花裙俾你跪爛，咁好石頭俾你跪崩！ 橫又難，直又難， 不如舍命落陰間！
人話陰間條路好，我話陰間條路好艱難！
16)大食懶
大食懶，起身晏； 洗冷水，食冷飯。
17)收買佬
收買爛銅爛鐵,收買舊報紙 ,收買爛銅爛鐵,收買舊報紙
舊報紙呀堆滿屋,舊仔呀擺滿廳,舊襯衫呀塞滿房,問阿媽呀點算好
舊也好 新也好.舊與新都可變寶.賣了它即可變錢.若要錢搵收賣佬
收賣佬天天上路,沒理風吹兼雨打 ,一買一收一世樂,舊也好呀新也好
賣了舊報紙買當當糖,賣了舊仔買甘草欖,收買佬天天上路,舊也好他都當寶
18)阿公公
阿公仔,須扒扒,你飲酒,我飲茶,茶苦唔好食,酒醉唔好飲,我們快去外面玩泥沙.
19)
1234567，肥婆跳舞跳數第一,丑丑丑，丑甩個耳仔送燒酒.
豬頭丙，扮老醒，其實唔值個斗擰
肥騰騰，買舊豬肉去拜神,以為佢好醒，原來系個豬頭丙；
以為佢好Fit，原來系個大水瀄.
20)斬料，斬料，斬嚿大叉燒。
油雞鹵味樣樣都要，斬嚿大叉燒，嘩！
21)打開蚊帳打開蚊帳，有只蚊，有只蚊,快0的羅個拍來，快0的羅個拍來,拍暈拒、拍暈拒。